haaye re haal-e-dil

haaye re haal-e-dil
kaisa yeh savaal-e-dil

hum jaaN sambhaaleiN
ya fir sambhaaleiN dil

dekhi meri soorat usne
na dekha jamaal-e-dil

dekho ab jurrat iski
dekho ab majaal-e-dil

siyah raat roshan huyi
jal gayi mashaal-e-dil


meanings
haal-e-dil >> plight of the heart
savaal-e-dil >> questions of the heart
jamaal-e-dil >> beauty of the heart
jurrat >> boldness, daring
siyah >> black, dark
roshan >> ablaze, illuminated
mashaal-e-dil >> torch of the heart

khil ke saman ki tarah dikha do

khil ke saman ki tarah dikha do;
ek baar mere liye muskura do.

yun kishton mein maar kar kya fayda;
rukh dikha do aag laga do.

kaun kehta hai tumse ke jawaab do;
bas labon ko ek zara hila do.

badal ke rakh do takdeer meri;
sahir ungliyan apni fira do.

kis mitti se banayi gayi ho;
na dikhao na sahi, bata do.

saman>>flower, rose
kishton>>instalments
rukh>>face
labon>>lips
sahir>>magician

dekh lo

ahl-e-dil ko jhuka kar kabhi nazar dekh lo
kam-az-kam ek nazar kabhi idhar dekh lo

saath raho shab-o-roz hamaare aashiyaane meiN
saath mere tum kabhi seher dekh lo

savaal-e-qaamat-e-ulfat ka kya javaab dooN
kuchh aisa karo, kabhi behr dekh lo

maana dil raqeeboN ke mujhse kuchh bade haiN
zaraa nazariyaa badlo, kabhi jigar dekh lo

ya sogavaar raho murda ulfat ke peechhe tum
ya paas mere aao, kabhi amar dekh lo

meanings
ahl-e-dil >> the romantics
kam-az-kam >> at least
shab-o-roz >> night and day
savaal-e-qaamat-e-ulfat >> the question about the stature/intensity of love
behr >> sea
raqeeboN >> rivals in love, other men
sogavaar >> mournful
murda >> dead
ulfat >> love